O día 31 de agosto remataron en Dodro as clases da Aula de Reforzo Educativo de Verán, proxecto cofinanciado polo mesmo Concello e a Consellería de Cultura, Educación e Ordenación Universitaria da Xunta de Galicia, que tiña por obxecto a prevención e redución do abandono escolar dos menores que cursan a ESO.
Na experiencia participaron un total de 15 escolares que durante os meses de xullo e agosto asistiron o colexio Eusebio Lorenzo Baleirón tanto para preparar as materias nas que tiñan dificultades de cara as probas de setembro como para aprender técnicas de estudo que mellorasen o seu rendemento académico. A aula contou ademais cun servizo de titorías e de orientación e asesoramento ás familias dos menores.
No acto de clausura da actividade o Alcalde de Dodro, D. Valentín Alfonsín Somoza, realizou unha entrega de diplomas e destacou a importancia da constancia no traballo así como o valor dunha boa formación, animando ás/ós participantes a resolver con éxito ás vindeiras probas académicas.
