O prazo remata o 26 de marzo de 2.012. Información e trámites no departamento de Servizos Sociais do concello.

Inicialmente estaba previsto ofertar 20 prazas, finalmente mediante o acordo coa empresa contratada e debido á demanda dos veciños ampliáronse a 30, quedando veciñanza en lista de espera.

O venres 10 de febreiro terá lugar no Auditorio da Paxareira (Dodro) o "Curso de manipulador/a de alimentos" cunha duración de 3 horas, e dirixido a toda a poboación.

O prazo de inscrición remata o 9 de febreiro, polo que as persoas interesadas deberán anotarse directamente no Departamento de Servizos Sociais ou chamando ao teléfono 981 802 466.

Celebrouse onte na Praza do Concello o I Concurso de pasteis, doces e biscoitos do concello con gran expectación dos asistentes.

O xurado compoñíano Nato Castro de Pastelería Tena de Lestrobe, Antonio Castaño de Panadería Castaño do Muronovo e as veciñas Sara de Manselle, Anuncia de Lestrobe e Magdalena de Imo.

Os participantes entregaron os doces entre as 17h e 19h da tarde do mesmo día co seu nome escrito nun sobre pechado. A cada un otorgouselle un número e o sobre co nome colocouse debaixo do doce, polo que o xurado en ningún momento era coñecedor do propietario.

Despois da deliberación o xurado xunto coa  concelleira de servizos sociais e igualdade entregaron os tres primeiros premios ás gañadoras que foron:

1º Premio: Pastel nº 6 presentado por Ramona Romero Rey

2º Premio: Pastel nº 10 presentado por Luisa Romero Castroagudin

3º Premio: Pastel nº 4 presentado por Dolores Calvo Abuin

As tres premiadas recibiron un kit de repostería.

Ó finalizar todos os asistentes puideron degustar os doces e pasteis presentados ó concurso.