Actualidade en Cultura, Voluntariado e Asociacionismo Actualidade en Cultura, Voluntariado e Asociacionismo
Entrega do Premio de Poesía Eusebio Lorenzo Baleirón

Como cada ano, o Concello de Dodro fixo o acto de entrega do Premio de Poesía Eusebio Lorenzo Baleirón. No presente ano 2009 celebrouse a XXII edición do Premio, o que o fai ser un dos máis antigos de Galiza e sempre con continuidade.

A obra premiada foi Conservas, de Xosé Daniel Costas Currás, polo seu transfondo lírico e o seu coidado estético e da lingua.
O acto de entrega tivo lugar o pasado domingo día 20 de decembro no CPI Eusebio Lorenzo Baleirón. A el asistiron unhas oitenta persoas, sendo unha grata sorpresa a aparición do alcalde de Moaña, Xosé Manuel Millán Otero, tamén poeta e gañador do mesmo premio de poesía no ano 1995.


Abriu o acto o grupo Campo de Estrelas, para, nunha posta en escena áxil e lixeira, intervir, por esta orde, Helena Villar Janeiro, coordinadora do certame; de seguido Anxo Franco, que fixo lectura da acta do xurado en calidade de secretario deste; unha vez recibido o premio, o gañador dirixiu unhas palabras ao respectable, sendo o momento máis emotivo de todos. Nos seus agradecementos destacou precisamente ao alcalde de Moaña e compañeiro literario, á muller e á filla de Eusebio,  Anxo Angueira,  e ademais de todos os seus compañeiros e familiares. Pechou o acto o alcalde de Dodro, para, a continuación, cantar todos xuntos o Himno de Galiza.

Ao remate serviuse un aperitivo.

O Concelleiro de Cultura e responsable do evento, Anxo Franco, valora moi positivamente a repercusión social que este premio ten non só no mundo literario da poesia senón na sociedade dodrense.

Programación cultural Nadal Activo 2009

Benqueridos veciños e veciñas:

Nestas datas festivas de Nadal son moitas as persoas que dispoñen de máis tempo libre. Dende a Concellaría de Cultura e Patrimonio queremos darvos unha alternativa de ocio cultural para pasar en familia. Por iso programamos máis dunha ducia de actividades culturais nas que podedes participar se así o desexades.

En PDF Programación Nadal Activo 2009

Axiña chegará o ano que vén, que esperamos sexa mellor có presente. Pensando xa nel, tamén vos presentamos as novas actividades nas que podedes apuntarvos se son do voso interese.

En calquera dos casos, e ante todo, desexarvos un Bo Nadal e un Próspero Aninovo.

Resólvese o Premio de Poesía Eusebio Lorenzo Baleirón

O mes de decembro é tradicionalmente especial na vida do concello de Dodro, xa que nestas datas honrase a memoria do poeta Eusebio Lorenzo Baleirón. O pasado día 12 de decembro fallouse o Premio de Poesía adicado á súa figura. Este ano as obras participantes foron catorce, e aos membros do xurado custoulles máis de duas horas de deliberacións para elexir gañador por maioría.
Finalmente a obra premiada é “Conservas”, do autor Xosé Daniel Costas Currás. A obra gañadora recibirá 2300 € en metálico en concepto de adianto dos dereitos de autor pola obra, que se publicará na Editorial Sotelo Blanco, dentro da colección do Premio de Poesia Eusebio Lorenzo Baleirón.

O acto de entrega será o vindeiro domingo día 20 de decembro no CPI Eusebio Lorenzo Baleirón, durante o que actuará un grupo de música de corda. Ao remate, coma todos os anos, servirase un aperitivo a todos os presentes, que disporán de autobús polas distintas aldeas do concello para facilitar o seu transporte.

O xurado, nesta ocasión, estivo composto por Lucía Novás Garrido, poeta e profesora de Lingua e Literatura Galega, Elvira Riveiro Tobío, poeta e licenciada en Filoloxía Galega, Yago Rodríguez Yáñez, crítico literario e profesor de Lingua e Literatura Galega, ademáis de Xabier Xil Xardón, gañador do premio o ano pasado, así coma do alcalde e do concelleiro de cultura do concello de
Dodro e responsable da súa organización, Anxo Franco.

Festexos do Magosto

O pasado sábado 31 de outubro, tivo lugar no recinto da Paxareira do Concello de Dodro a celebración da tradicional festa do Magosto. Para festexar esta data do ano, dende a Concellaría de Cultura e Patrimonio que dirixe Anxo Franco, en colaboración coa Asociación de Veciños O'Morasón, organizaronse unha serie de actividades a partires das 18:00 h. para todos os públicos. Comezou a tarde coa actuación do Mago Dani García, que deleitou a todos os presentes coa súa maxia ata preto das 19:00 h.

A partires desa hora, puidose degustar de balde castañas, churrasco, orella e chorizos criollos ao mesmo tempo que ían chegando os últimos cabazos participantes nas dúas categorías do concurso.

Así, na primeira categoría, ó cabazo mellor decorado, resultou gañador un veciño de 7 anos chamado Álex Cardama Calvo, que obtivo como premio un MP4.

Na categoría de cabazo máis grande, o gañador resultou Juan Carlos Blanco Moreira, de 40 anos que obtivo como premio, 100€ en metálico.

Na categoría de cabazo máis grande, o gañador resultou Juan Carlos Blanco Moreira, de 40 anos que obtivo como premio, 100€ en metálico. Nada máis rematar a entrega de premios, animaron a festa ata as 21:00 h. o grupo de Teatro ‘Fantasía Animación’, que tivo a todo o público bailando e xogando ata non poder máis.

De xeito máis ameno, rematamos esta xornada preto das 23:00 h. cos Regueifeiros da Asociación ORAL de Galicia (Suso e Antonio) que puxeron o punto e final a esta xornada na que nos acompañaron máis dun cento de veciños e veciñas.

Bases para o Premio Poesía Eusebio Lorenzo Baleirón

O Concello de Dodro, para honrar a memoria do seu ilustre poeta e contribuír á promoción da poesía galega, manifestación sobranceira da nosa literatura, convoca a XXiI edición do PREMIO EUSEBIO LORENZO BALEIRÓN.

No seguinte enlace, están a Bases do Premio Poesía.

Mostrando o intervalo 306 - 310 de 315 resultados.
Resultados por páxina 5
de 63