Actualidade en Cultura, Voluntariado e Asociacionismo Actualidade en Cultura, Voluntariado e Asociacionismo
Bases para o Premio Poesía Eusebio Lorenzo Baleirón

O Concello de Dodro, para honrar a memoria do seu ilustre poeta e contribuír á promoción da poesía galega, manifestación sobranceira da nosa literatura, convoca a XXiI edición do PREMIO EUSEBIO LORENZO BALEIRÓN.

No seguinte enlace, están a Bases do Premio Poesía.

Presentada a programación cultural para o curso 2009/10

O Tenente alcalde e nacionalista Anxo Franco fixo pública a programación e a axenda cultural para o curso 2009-2010, destacando a creación da Escola Municipal de Música e unha amplísima axenda de actividades culturais.

A Concellaría de Cultura pon en marcha a Escola Municipal de Música. No curso pasado ofertáronse varias actividades musicais, como “Música e movemento”, “Guitarra” e “Gaita, pandeireta e tambor”. Para o presente curso, que comezará o vindeiro 15 de outubro, e ante a demanda dunha maior aprendizaxe, a estas actividades súmanselle piano, vento madeira (saxo, clarinete e flauta), vento metal (trompa, trompeta, trombón, tuba e bombardino) e percusión, ademáis das asignaturas de Linguaxe musical e Ensaio de grupos, para enfocar a Escola Municipal de Música tanto á aprendizaxe individual dos instrumentos como para ensinar a coordinación necesaria para tocar nun grupo, charanga ou banda, de forma colectiva.

Ademáis, a Axenda Cultural está chea de actividades, destacando o grande número de días con actividades de contacontos e de títeres. Divídense en dous programas culturais:

  • Outono Cultural, nos meses de outubro e novembro, con sete días de actividades, destacando o Magosto.
  • Nadal Activo, nos meses de decembro e xaneiro, destacando por riba de todo o Premio de Poesia Eusebio Lorenzo Baleirón, o Concerto de Panxoliñas e a Cabalgata de Reis.

Valoro a programación cultural como a máis ampla e variada da historia de Dodro. Ademáis, ten a esperanza de que triunfe a Escola Municipal de Música, na que se espera unha matrícula próxima ao cento de persoas.

O Circo en Dodro

Tal e como estaba previsto, onte o circo visitou o Concello de Dodro.

Á función, organizada pola Concellaria de Cultura que dirixe o nacionalista Anxo Franco, asistiron preto de 300 persoas. Malabaristas, paiasos, e todas as actuacións do circo foron as delicias dos máis pequenos. O circo formaba parte da programación cultural para o mes de maio, adicado ás Letras Galegas.

A vindeira actividade será este venres ás 18:00, cunha conferencia sobre Ramón Piñeiro a cargo de Marina Mayoral na Casa da Cultura. O domingo, día 17 de maio, haberá unha exposición de debuxos feitos polos nenos e nenas das escolas unitarias do concello, así como un contacontos e un acto de celebración das Letras Galegas. Celebraráse no Salón de Actos da Paxareira.

Ademáis, todos os sábados do mes de maio, de 11:00 a 13:30 h. na Casa da Cultura se imparte polo escritor Gustavo Pernas un obradoiro de redacción de textos teatrais.

Obradoiro de Narrativa

A Concellaria de Cultura e Patrimonio, que dirixe o tenente de alcalde e voceiro do BNG, Anxo Franco, ten programado para mañá venres ás 19:30 h. un obradoiro de narrativa.

Impartirá o curso o escritor Xabier Alcalá, autor de obras tan relevantes da literatura galega coma “A nosa cinza”. Anxo Franco explica que este obradoiro é realmente moi interesante para todas aquelas persoas ás que lle gusta escribir, xa que teremos con nós a un dos máis importantes escritores en lingua galega, que nos dará consellos sobre cómo redactar relatos, contos ou mesmo novelas.

Este obradoiro forma parte dunha interesante programación cultural do primeiro semestre do ano, no que se pretende facer fincapé na recopilación, difusión e fomento do patrimonio inmaterial do Concello: cantigas, historias, lendas, mitos, contos de tradición oral, etc, así coma na literatura galega: xa se desenvolveu un obradoiro de contacontos, vaise desenvolver outro obradoiro de redacción de textos teatrais e este obradoiro de narrativa conforman un programa moi completo no que ao fomento de xéneros literarios se refire.. O obradoiro de narrativa está incluido na programación de Letras Vivas, da Consellaria de Cultura e Deportes da Xunta de Galicia.

Obradoiro de Contacontos

A Concellaria de Cultura e Patrimonio do Concello de Dodro, que dirixe o tenente alcalde Anxo Franco, organiza un obradoiro de contacontos en Dodro. O obradoiro realizaráse os sábados, de 19 a 21 h. na Casa da Cultura, comezando este vindeiro sábado.

Impartiráo Charo Pita, contacontos que xa encandilou ao público de Dodro o ano pasado. O nacionalista Anxo Franco explica que poden apuntarse neste obradoiro persoas maiores de 16 anos, ainda que se dirixe, ademáis de a todas as persoas interesedas no conto de tradición oral, tamén fundamentalmente ás nais, pais, avós e avoas, así coma a coidadoras, mestres, etc., que polas súas características familiares ou profesionais están en contacto directo con nenos e nenas ás que poder contarlles contos.

Este obradoiro forma parte dunha interesante programación cultural do primeiro semestre do ano, no que se pretende facer fincapé na recopilación, difusión e fomento do patrimonio inmaterial do Concello: cantigas, historias, lendas, mitos, contos de tradición oral, etc. O obradoiro de contacontos está incluido na programación de Letras Vivas, da Consellaria de Cultura e Deportes da Xunta de Galicia.

Mostrando o intervalo 306 - 310 de 311 resultados.
Resultados por páxina 5
de 63